សកម្មភាពផិតក្បត់របស់បុរស
មិនត្រឹមតែធ្វើឲ្យប្រេះស្រាំទំនាក់ទំនងប្ដីប្រពន្ធប៉ុណ្ណោះទេ
ប្រសិនបើការរួមភេទក្រៅផ្ទះជាមួយនារីផ្ដេសផ្ដាស់ប្រព្រឹត្តទៅដោយ
រញីរញ័រខ្វះការប្រុងប្រយ័ត្ននោះ បុរសមុខជាអាចប្រឈមនឹងបញ្ហាគ្រាំ
ឬបាក់លិង្គជាមិនខាន។យោង តាមការសិក្សាដែលចុះផ្សាយក្នុងព្រឹត្តិបត្រសុខភាពផ្លូវភេទអាមេរិក លោកវេជ្ជបណ្ឌិតសិចសាស្ត្រ អេនទ្រូ ក្រេម័រ មកពីសាកលវិទ្យាល័យម៉ារីលែន បានធ្វើការសិក្សាស្រាវជ្រាវលើករណីលិង្គប្រេះស្រាំរបស់បុរស១៦ នាក់ចន្លោះពីឆ្នាំ២០០៧ ដល់២០១១ ដែលករណីអ្នកជំងឺខាងលើតម្រូវឲ្យមានការព្យាបាលដោយវះកាត់។ ការកើតមានជំងឺលិង្គប្រេះស្រាំរបស់ពួកគេនេះគឺដោយសារការរួមភេទ ដ៏ប្រញិបប្រញាប់ជាមួយនារីដែលមិនមែនជាភរិយារបស់ខ្លួន។
លិង្គរបស់មនុស្សគ្មានឆ្អឹងនោះទេ តើហេតុអ្វីបានជាគេថាលិង្គប្រេះស្រាំ?
លិង្គប្រេះ ស្រាំ ឬក៏ការគ្រាំបាក់លិង្គ គឺជារបួសដែលកើតឡើងនៅពេលដែលលិង្គដំឡើងមាឌ ពេលមានសម្រើបផ្លូវភេទ។ ថ្វីដ្បិតថា នៅក្នុងលិង្គមិនមានឆ្អឹងទ្រនុងទ្រទ្រង់ឲ្យរឹងក៏ពិតមែន ប៉ុន្តែបើគេនិយាយថាលិង្គប្រេះស្រាំមានន័យថា ស្រទាប់ កោសិកា ឬសរសៃណាមួយនៃអវយវៈភេទនេះត្រូវបានដាច់ ឬខូចខាត។ អាការបែបនេះអាចធ្វើឲ្យបុរសប្រឈមនឹងការធ្លាក់ឈាម ហើម ឬបាត់បង់ភាពរឹងនៃលិង្គរបស់ខ្លួន។
តើហេតុអ្វីបានជាការផិតក្បត់អាចធ្វើឲ្យបុរសគ្រោះថ្នាក់គ្រាំលិង្គដូច្នេះ?
សកម្មភាព រួមភេទដោយផិតក្បត់មិនប្រាកដថានាំឲ្យលិង្គប្រេះស្រាំនោះទេ ប៉ុន្តែវាបង្កើនអត្រាប៉ះពាល់អវិជ្ជមានដល់លិង្គរបស់បុរស។ ជាទូទៅ ការរួមភេទជាមួយសហាយស្មន់ដោយលួចលាក់ច្រើនប្រតិបត្តិនៅទីដែល ចង្អៀត ស្ងាត់ និងគ្មានមនុស្សឆ្លងកាត់។ តួយ៉ាងដូចជានៅក្នុងរថយន្ត ជណ្ដើរយន្ត បន្ទប់ទឹក ក្រោមតុ និងទីកន្លុកកន្លៀតកៀនកោះនានា។
ទីកន្លែង ដូចខាងលើនេះ គឺមានភាពពិបាកក្នុងការធ្វើចលនា ហើយបុរសអាចមិនស៊ាំនឹងការរួមភេទនៅកន្លែងទាំងនោះ។ ម្យ៉ាងវិញទៀត សកម្មភាពផិតក្បត់ក៏ច្រើនអនុវត្តដោយប្រើក្បាច់រួមភេទប្លែកៗ ក្នុងល្បឿនវាយប្រហារបែបតក់ក្រហល់ ប្រញិបប្រញាប់ ដែលនាំឲ្យបុរសបាត់បង់ម្ចាស់ការ មិនសូវគិតគូរដល់សុវត្ថិភាពអាប្អូនតូចរបស់ខ្លួន។
ការប្រើក្បាច់ ដែលមិនសមរម្យមួយចំនួន និងការវាយប្រហារដោយចលនាលឿនខ្លាំង អាចជាមូលហេតុចម្បងដែលនាំឲ្យបុរសវាយលុកទៅភ្លាត់គោលដៅ ឬបុកចំកន្លែងផ្សេង ដែលនាំឲ្យលិង្គរបស់ខ្លួនរងការប៉ះទង្គិចដោយមិនដឹងខ្លួន។
តើលទ្ធផលពីការសិក្សាទាក់ទិននឹងជំងឺគ្រាំលិង្គនេះអាចជឿជាក់បានទេ?
លោកវេជ្ជបណ្ឌិត សិចសាស្ត្រ អេនទ្រូ ក្រេម័រ បានឲ្យដឹងថា លទ្ធផលពីការសិក្សារបស់លោក គ្រាន់តែជាមូលដ្ឋានគ្រឹះមួយសម្រាប់ជាទុនដើម្បីសិក្សាស្រាវជ្រាវ បន្តទៅថ្ងៃមុខ ក៏ដូចជាជួយដាស់តឿនដល់បុរសៗឲ្យចេះប្រុងប្រយ័ត្នចំពោះសុខភាព ផ្លូវភេទរបស់ពួកគេផងដែរ។ លោកបានឲ្យដឹងទៀតថា ជាទូទៅ លិង្គប្រេះស្រាំ គឺដោយសារតែការភ្លាត់ ឬវាយលុកខុសទិសដៅ។ ក្នុងចំណោមបុរស១៦នាក់ដែលមានជំងឺនេះ មាន៥០ភាគរយហើយដែលមានរបួសគ្រាំលិង្គក្នុងអំឡុងពេលរួមភេទយ៉ាង តក់ក្រហល់ជាមួយនឹងដៃគូមិនមែនភរិយា។
តើបុរសដែលផិតក្បត់នោះច្រើនធ្វើដូចម្ដេចក្រោយពេលគ្រាំលិង្គ?
ដោយសារ តែពួកគេមានរបួសលិង្គនៅពេលកំពុងរួមភេទជាមួយសហាយស្មន់ដូច្នេះ ហើយទើបពួកគេមិនហ៊ានប្រាប់ភរិយា ឬមកជួបគ្រូពេទ្យជំនាញភ្លាមៗនោះទេ។ ក្រុមបុរសទាំងនោះភាគច្រើននាំគ្នាសម្ងំនៅផ្ទះ ហើយបួងសួងថា៖ «ឱព្រះអើយ សូមឲ្យលិង្គរបស់ខ្ញុំឆាប់ជាសះស្បើយមក។ ខ្ញុំសង្ឃឹមថា ស្អែកអាប្អូនខ្ញុំនឹងបានធូរស្រាលបាត់ឈឺចាប់»។
បុរសភាគ ច្រើនតែងរងនូវការអាម៉ាស់ មិនហ៊ានប្រាប់អ្នកណាពីទោសផិតក្បត់ និងអាការគ្រាំលិង្គរបស់ខ្លួនទេ ដូច្នេះហើយពួកគេរឹតតែប្រឈមនឹងការបាត់បង់សមត្ថភាពផ្លូវភេទអស់ មួយជីវិត ដោយសារតែការសប្បាយស្រើបស្រាលតែមួយប៉ប្រិចភ្នែក។
តាមការពិត នៅពេលដែលបុរសរងរបួសបែបនេះ ពួកគេគួរតែស្រូតរូតរះទៅមន្ទីរពេទ្យភ្លាម ដើម្បីឲ្យគ្រូពេទ្យពិនិត្យ នឹងព្យាបាលទាន់ពេលវេលា។
តើវេជ្ជបណ្ឌិតជួយបិទបាំងអាថ៌កំបាំងរបស់បុរសផិតក្បត់ទាំងនោះទេ?
លោកវេជ្ជបណ្ឌិត សិចសាស្ត្រ អេនទ្រូ ក្រេម័រ បានឲ្យដឹងថា៖ «ក្នុងនាមជាពេទ្យមួយរូប យើងមិនគួរប្រាប់ភរិយារបស់បុរសរងគ្រោះថា គាត់គ្រាំលិង្គដោយសារតែរួមរក្សជាមួយជនទី៣ឡើយ។ លោកយល់ថា វេជ្ជបណ្ឌិតមានតួនាទីព្យាបាល តែមិនអាចទម្លាយអាថ៌កំបាំងឯកជនរបស់អ្នកជំងឺឡើយ»។
ក្នុងករណីមាន ភរិយាមកមន្ទីរពេទ្យជាមួយស្វាមីដែរ លោក អេនទ្រូ ក្រេម័រ គ្រាន់តែនិយាយថា៖ «ខ្ញុំនឹងព្យាបាលលិង្គរបស់លោក វារហែកកោសិកាត្រង់នេះ ខូចសរសៃត្រង់នោះ… ជាដើម»។
លោកថ្លែងទៀត ថា៖ «ប្រសិនបើភរិយាសង្ស័យពីភក្ដីភាពស្វាមីរបស់ខ្លួន នោះនាងអាចសួរគាត់ដោយខ្លួនឯង។ ប៉ុន្តែក្នុងនាមខ្ញុំជាពេទ្យគឺមិនបានទម្លាយអាថ៌កំបាំងបុរសនោះ បានឡើយ»។
តើវេជ្ជបណ្ឌិតមានអ្វីណែនាំបុរសៗដែលគិតចង់សៅគ្រីនោះទេ?
លោកវេជ្ជបណ្ឌិត សិចសាស្ត្រ អេនទ្រូ ក្រេម័រ បានដាស់តឿនថា ការរួមភេទ ក៏ដូចជាការលេងកីឡាដែរ។ ប្រសិនបើយើងមិនប្រុងប្រយ័ត្ន វានឹងនាំរបួសដល់រាងកាយ។ នៅពេលរួមភេទ បុរសត្រូវតែមានការប្រុងប្រយ័ត្ន មិនថាអនុវត្តជាមួយបេក្ខនារីណាទេ។ ជាទូទៅ ការប្រេះស្រាំលិង្គកើតឡើងញឹកញាប់នៅពេលដែលប្រើក្បាច់ស្រីនៅលើ ដោយនារីអង្គុយលើប្រដាប់ភេទរបស់បុរស ហើយធ្វើចលនាគ្រវីចុះឡើងខ្លាំងពេក រហូតធ្វើឲ្យភ្លាត់ ឬគ្រេចបាក់លិង្គជាដើម៕
No comments:
Post a Comment