រៀនភាសា Na'vi ក្នុងរឿង Avatar

• ខ្សែភាពយន្តAvatar របស់អ្នកដឹកនាំJames Cameron មិនត្រឹមតែទទួលបានជោគជ័យយ៉ាង
  ​អធិបអធម៌ ហើយក៏ទាក់ទាញបានរាប់ពាន់នាក់នៅលើពិភពលោក ប្រកួតគ្នាទៅរៀនភាសា
  Na’vi ដែលជាភាសារបស់ជនជាតិស្បែកពណ៌ខៀវនៅលើផ្កាយ Pandora។
  
  ក្រោយពីរឿងប្រឌិតអំពីការរកឃើញផ្កាយ Pandora នៅលើព្រះច័ន្ទជាមួយនឹងមនុស្ស
  ជនជាតិ Na’vi ស្បែកពណ៌ខៀវ បានទទួលបានប្រាក់ចំណូល២,៨០០លានដុល្លារអាមេរិក បន្ទាប់មកភាសា Na’vi បានក្លាយជាភាសាល្បី។
  ដើម្បីបង្កើតបានភាសារបស់មនុស្សជនជាតិ Na’vi អ្នកដឹកនាំរឿង James Cameron បាន
  អញ្ជើង​សាស្ត្រាចារ្យជំនាញភាសារបស់សាកលវិទ្យាល័យSouth California លោក Paul
  Frommer បង្កើតឡើងភាសាពិសេសដោយឡែកមួយដែល “សម្លែងទាក់ទាញនិង ស្មុក
  ស្មាញ” ។ ជាមួយនឹងពាក្យចំនួន៣០ដែល James Cameron ណែនាំ Paul Frommer បាន​
  បង្កើតឡើងជិត១០០០ពាក្យសំរាប់ខ្សែភាពយន្ត Avatar។
  
  តាមគេហទំព័រ CBC បានឲ្យដឹងថាភាសាក៏គូរឲ្យចាប់អារម្មណ៍នេះបានទាក់ទាញអ្នកគាំទ្រ
  ព្រមទាំងឯកជន និងអង្គការស្រាវជ្រាវអំពីភាសាថ្មី ពួកគេបានសម្រេចចិត្តបង្កើតឡើង
  គេហទំព័រ www.learnnavi.org។ នៅទីនេះ គេអាចរៀនភាសា Na’vi តាមតារាងតួអក្សារ
  ​វចនានុក្រម។ គេហទំព័រក៏មាន Forum តូចៗចំនួន១៥សំរាប់ភាសា១៥ផ្សេងៗដើម្បីអ្នក
  គាំ​​ទ្រមកពីប្រទេសផ្សេងអាចស្រាវជ្រាវភាសានេះដោយងាយស្រួល។
  
  សាស្រ្តាចារ្យ និងអ្នកជំនាញខាងភាសានៅសាកលវិទ្យាល័យនៅលើពិភពលោកមិនបាន
  ​គិត​ស្មានអំពីការរាលដាលឆាប់រហ័សយ៉ាងនេះរបស់ភាសា Na’vi។ តាំងពីឆ្នាំមុន Faul
  Frommer បានប្រមូលអ្នកជំនាញ​ខាងភាសាល្បីៗដើម្បីបង្កើតថែមពាក្យថ្មីៗ និងមានការ​
  កែសម្រួលពាក្យឲ្យបានត្រឹមត្រូវ។ Paul Frommer មិនប្រាកដថានឹងចូលរួមតទៅទៀត
  ភាគបន្តរបស់រឿង Avatar ប៉ុន្តែលោកក៏បានសន្យាថា គាត់នៅតែ​ធ្វើការនៅលើប្លុក​របស់​
  ខ្លួនជាមួយភាសា Na’vi។
  
  ពាក្យ Na'vi មួយចំនួន៖
  Kaltxi: hello
  Kiyevame: goodbye, see you again soon
  Irayo: thank you
  Etripa syayvi: good luck
  Ke tslolam: I didn't understand
  Rutxe lapivawk ni’it: please talk a bit about yourself
  Txon lefpom: good night, peaceful night