ទិដ្ឋភាពដែលទើបតែផ្សព្វផ្សាយកាលពីថ្ងៃទី៦ តុលា កន្លងមកនោះ ចាត់ទុកថា ជារូបភាពដ៏កម្របានឃើញ និងធ្វើឱ្យមានការភ្ញាក់ផ្អើលនៅពេលពស់វែកដំបូក មួយក្បាលកំពុងលេបពស់ «ផាហ្វអ៊ែតឌ័រ» (Puff-adder) ជាប្រភេទពស់ក្នុងតំបន់អាហ្វ្រិកចូលទាំងមូលនៅឯឧទ្យានជាតិអាហ្វ្រិកខាងត្បូង ។
លោកភៀត ហេម៉េន ជាងថតដ៏ល្បីឈ្មោះអាចថតបានហេតុការណ៍ពស់លេបពស់ដោយចៃដន្យនៅក្នុងឧទ្យានហ្គាឡាហ្គាឌី (Kgalagadi Transfrontier Park) អាហ្វ្រិកខាងត្បូង ។ ពស់វែកដំបូកខាងលើ បានចំណាយពេលលេបពស់ទាំងមូលដល់ទៅ៥២នាទី ទើបលូនចូលព្រៃ ។ លោកហេម៉េន បានឱ្យដឹងពីអារម្មណ៍ក្នុងពេលនោះថា «ប្រសិនបើខ្ញុំមិនបានឃើញផ្ទាល់ភ្នែក ខ្ញុំប្រហែលជានឹកស្មានមិនដល់ថា តើពស់អាចលេបពស់ទាំងដងខ្លួនបានដូចម្តេច?» ។
គួរបញ្ជាក់ថា រូបភាពដែលបង្ហាញនៅទីនេះ ទើបតែបានទទួលការផ្សព្វផ្សាយជាលើកដំបូងនៅក្នុងសៀវភៅរបស់លោកភៀត ហេម៉េន ក្រោយពីបានថតរូបខាងលើទុកកាលពីឆ្នាំ២០០២៕
No comments:
Post a Comment